Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

6 Yanvar - №1

 

"Açıq dərs"də şagirdlərin hazırlığı yüksək qiymətləndirildi

 

 "Riyaziyyat aylığı" çərçivəsində Bakının Səbail rayonundakı 236 nömrəli tam orta məktəbin VII "a"  sinfində "açıq dərs" keçirildi.

Məktəbin direktoru Xanlar İmaməliyev çıxış edərək bildirdi ki, müasir təhsil sistemində dünyəvi dəyərlər özünü göstərməkdədir. Bütün bunlar da yeni nəslin tərbiyəsində çox böyük əhəmiyyət daşıyır. Məktəbin pedaqoji kollektivi mütərəqqi tədris metodlarından istifadəyə həmişə üstünlük verir. Bakı Şəhəri üzrə Təhsil İdarəsinin fəaliyyət planına uyğun olaraq dekabr ayının ümumtəhsil məktəblərində "Riyaziyyat aylığı" elan olunması şagirdlərin riyazi təfəkkürünün daha da dərinləşməsində mühüm rol oynayacaq.

Sonra "açıq dərs" başlandı. Məktəbin riyaziyyat və informatika müəllimi Şəhla  Əhmədova siniflə salamlaşandan sonra davamiyyəti yoxladı və bildirdi ki, "açıq dərs"in mövzusu "Birhədlilər"dir.

Sonra motivasiya sayəsində şagirdləri düşündürmək üçün söz assosiasiyasından istifadəyə üstünlük verdi. Lövhədə "Birhədlilər" sözü yazıldı və sözün yaratdığı assosiasiya yoxlanıldı.

Sinfin şagirdləri "Çempion", "Hazırcavablar", "Gənc riyaziyyatçılar", "Xəmsə" və "Qələbə" adlı komandalara bölünüb yarışa qatıldılar.

Lövhədə kağızdan düzəldilmiş bir  ağac almalarla,  iki ağac isə almasız asıldı. Almaların üzərində birhədlilər və ifadələr yazıldı. Hər qrupdan bir şagird birhədliləri (alma) sağ ağaca, ifadələri isə sol ağaca yığmağa  başladılar. Lövhədə kağızdan düzəldilmiş çobanyastığı çiçəyi asıldı. Onların ləçəklərində oxşar birhədlilər və əks birhədlilər yazıldı. Şagirdlər oxşar birhədliləri bir səbətə, əks  birhədliləri isə o biri səbətə yığmağa başladılar.

Növbəti mərhələdə şagirdlər lövhədə misallar həll etdilər. Qruplara kartlar paylandı və misalların həllindən sonra qruplar bir-birinin işini yoxlamağa başladılar.  Komandalar müzakirə və oyun, beyin həmləsi, proyektorla verilmiş misalların həlli kimi üsullardan və alma ağacları, çobanyastığı çiçəyi və kartlardan   resurslar kimi istifadə edirdilər.

Proyektorda verilən testlər həll ediləndən sonra düzgün cavablar yoxlanıldı.  

Ümumi nəticələrə görə "Gənc  riyaziyyatçılar" komandasının elmi biliklərinin səviyyəsi 7 balla qiymətləndirilərək yarışmanın qalibi hesab olundu.

Ev tapşırığının verilməsi ilə "açıq dərs" başa çatdı.

Münsiflər heyəti tərəfindən "açıq dərs"də şagirdlərin hazırlığı yüksək qiymətləndirildi.  

Vasif SÜLEYMAN

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov