Bakıdakı 308 nömrəli orta məktəbin II "C" və III "D" sinif şagirdləri  müəllimləri Pərvanə Abbasova  və Sevda Məmmədovanın təşkilatçılığı ilə   Bilgəh qəsəbəsində  yerləşən Qocalar evində olublar.

Məktəbin  direktoru Təranə Məmmədovadan aldığımız məlumatda bildirilir ki,  şagirdlərin gəlişi  burada yaşayan qocaların böyük sevincinə səbəb olub.  Qocalar evinin sakinləri üçün nahar süfrəsi açılıb.

Şagirdlər qocalar qarşısında ana və oğul, qocalara qayğı  müqəddəs borcumuzdur   mövzularında şeir  söyləyib, mahnı oxuyub və ədəbi kompozisiya göstəriblər.

Çıxışlarda qocalara göstərilən dövlət qayğısından söz açılıb  və bu gün onların görüşünə gələn  şagird və müəllim kollektivinə  minnətdarlıq ifadə olunub.

Sonda  şagirdlər  ahıllarla birgə xatirə şəkli də  çəkdiriblər.