Azərbaycan Dillər Universitetində Yaponiyada təhsil alan
və JİCA təşkilatının təşkil etdiyi təlimlərdə iştirak
edən tələbələrin təşkilatçılığı ilə "Yapon mətbəxi" günü
qeyd edildi. Tədbirdə ADU-nun beynəlxalq əlaqələr üzrə
prorektoru Jalə Qəribova, Yaponiyanın Azərbaycandakı
səfiri Şusuke Vatanabe, səfirin xanımı və tələbələr
iştirak edirdilər. Tədbirin keçirilməsində əsas məqsəd
Yaponiya və Azərbaycan arasında olan mədəni, iqtisadi və
dostluq münasibətlərini daha da möhkəmləndirmək və eyni
zamanda Yaponiya mətbəxini azərbaycanlı tələbələrə
tanıtmaqdır.
Tədbir yarış şəklində təşkil olunmuşdu. Komandalar
Yaponiya yeməkləri hazırladılar. Qalib komanda səsvermə
ilə müəyyən olundu. Ən çox səs toplayan komanda isə
2003-cü ildən fəaliyyət göstərən və 300-dən çox üzvü
olan Yaponiya Azərbaycan Məzunlar Assosiasiyası
tərəfindən təltif olundu. |