Xəbər verildiyi kimi, Təhsil Nazirliyinin ümumtəhsil və ilk peşə-ixtisas təhsili müəssisələrinin şagirdləri arasında təşkil edilən VI Respublika Spartakiadasında xidmətləri olan təhsil işçiləri mükafatlandırılıb. Peşə təhsili müəssisələri arasında keçirilən  idman yarışlarında 3-cü kateqoriya üzrə I yerə 7 nömrəli  Bakı Peşə  Liseyi çıxaraq qalib olmuşdur. Buna görə də lisey Təhsil Nazirliyi tərəfindən Fəxri fərman və kubokla təltif olunmuşdur.  Bununla əlaqədar liseyin direktoru Yəhya Səfərov bildirdi ki, idmançılarımız spartakiadanın zona və final mərhələlərində idmanın 6 növü - voleybol, basketbol, atletika, stolüstü tennis, futbol və həndbol yarışlarında  iştirak etmişlər. Nəticədə  lisey  peşə təhsili müəssisələri arasında  3-cü kateqoriya üzrə  I yerə çıxmışdır. Keçirilən idman yarışlarında və yetirmələrimizin qələbə qazanmasında liseyin idman rəhbəri Əkbər Rüstəmovun  zəhməti böyük olmuşdur.

Şakir CƏFƏROV