Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

20 Yanvar 2012 - №03

 

Milli tariximizdə fədakarlıq və qəhrəmanlıq zirvəsi

 

Yanvarın 19-da Azərbaycan Dillər Universitetində 20 Yanvar faciəsinin 22-ci ildönümünə həsr olunmuş tədbir keçirildi. Tədbirdən əvvəl universitetin tələbə-müəllim heyəti Şəhidlər xiyabanını ziyarət edərək 20 Yanvar şəhidlərinin məzarları önünə tər qərənfillər düzdülər. Anım mərasimi universitetin tələbəsi olmuş şəhid Ülvi Bünyadzadənin adını daşıyan muzey-lektoriyanın qarşısında oldu. ADU-nun rektoru, millət vəkili, professor Səməd Seyidov 1990-cı il 20 Yanvar hadisələrindən 22 il keçdiyini bildirərək bu müddətin az olmadığını dedi. Hadisələri canlı yaşadıqlarını söyləyən rektor tədbirdə iştirak edən tələbələrin böyük əksəriyyətinin həmin hadisələr haqqında kitablardan, arxivlərdən öyrəndiklərini nəzərə çatdırdı. Rektor S.Seyidov ADU-nun tələbəsi olmuş 20 Yanvar şəhidi Ülvi Bünyadzadənin adına yaradılmış muzey-lektoriyanın önündə toplaşan gəncliyi onun kimi cəsur, vətənpərvər görmək istədiyini dedi. S.Seyidov xalqın 20 Yanvar tarixini şərəf tarixinə çevirdiyini xatırlatdı. Təhsillə, qabiliyyətlərini dünyaya göstərməklə Azərbaycan xalqının ən yüksək səviyyəli xalq olduğunu sübut etməyin vacib olduğunu nəzərə çatdıran S.Seyidov bu gün Azərbaycanın dünyanın ən aparıcı ölkələrinin siyahısında olduğunu bildirdi. Gördükləri işlərdə ümummilli lider Heydər Əliyevin əsasını qoyduğu, Azərbaycan Respublikasının Prezidenti İlham Əliyevin uğurla davam etdirdiyi məntiqli daxili və xarici siyasətin nəticələri olduğunu deyən S.Seyidov bunun nəticəsində Azərbaycana heç vaxt heç kimin müdaxilə edə bilməyəcəyini, onunla başqa dildə danışa bilməyəcəyini vurğuladı.

Çıxışının sonunda şəhidlərə bir daha Allahdan rəhmət diləyən S.Seyidov onları unutmağa heç kimin haqqının olmadığını dedi.

ADU-nun beynəlxalq münasibətlər kafedrasının müəllimi Namiq Əsədov, ADU-nun ingilis dilinin leksikası və ölkəşünaslıq kafedrasının müdiri, professor Məsməxanım Qazıyeva, 1 saylı ingilis dili fakültəsinin dekanı, professor Əfqan Abdullayev, fəlsəfə kafedrasının professoru Məhəmməd Teymurlu çıxış etdilər. Tədbirin sonunda iştirakçılar Ülvi Bünyadzadə adına muzey-lektoriyaya baş çəkdilər. Eyni zamanda universitetdə 20 Yanvar hadisələrinə həsr olunmuş "20 Yanvar milli tariximizdə fədakarlıq və qəhrəmanlıq zirvəsidir" adlı konfrans keçirildi. Konfransı açan tərbiyə işləri üzrə prorektor Ələddin Əliyev 1990-cı ilin yanvar hadisələrini Azərbaycan xalqının qəhrəmanlıq və rəşadət səhifəsi kimi xarakterizə edərək qeyd etdi ki, Azərbaycan gəncliyi bu hadisəni dəqiqliklə bilməlidir. Tarix üzrə  fəlsəfə doktoru Qorxmaz Mustafayev 20 Yanvar hadisələrindən olan proseslər haqqında məlumat verdi. Fəlsəfə kafedrasının professoru Məhəmməd Teymurlu 20 Yanvar faciəsi zamanı şahidi olduğu hadisələr barədə konfrans iştirakçılarına məlumat verdi. O, öz çıxışında Kreml tərəfindən dəstəklənən ermənilərin məkrli siyasətini ifşa edərək 20 Yanvar hadisələrini Azərbaycanın vətənpərvərlik və qəhrəmanlıq salnaməsi adlandırdı.  

Şakir CƏFƏROV 

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov