Yanvarın 22-dən 25-dək Kiyev Slavistik Universitetində
məktəblilər arasında təşkil olunmuş V Beynəlxalq
olimpiadaya BSU Məktəb-Lisey Kompleksinin şagirdləri də
dəvət olunmuşdular. Builki beynəlxalq olimpiadaya
Azərbaycan məktəbliləri ilə yanaşı, Polşa, Rusiya,
Ukrayna, Belarus və Çexiya ümumtəhsil məktəblərinin
şagirdləri də qatılmışdılar. Ümumdünya tarixi, rus dili
və ədəbiyyatı, jurnalistika üzrə keçirilən bilik
yarışında iştirak edən BSU Məktəb-Lisey Kompleksinin 5
şagirdindən 1 nəfəri ümumdünya tarixi üzrə I yerə (XI
sinif şagirdi Fürqan Abdullazadə ), digər 4 nəfəri isə
(XI sinif şagirdi Azad Səlimov, X sinif şagirdləri
Natella Sadıqova, Eldar Şeyxov, Rəhilə Abdullazadə) ayrı-ayrı
fənlər üzrə II dərəcəli diplomlara layiq görülüblər.
Təlim rus dilində olan Azərbaycan məktəbində oxuyan
şagirdlərin rus dilində nitqi və məntiqi cavabları
xüsusilə rusiyalı mütəxəssislər tərəfindən yüksək
qiymətləndirilmişdir.
Beynəlxalq olimpiadada iştirak edən şagirdləri rus dili
müəllimi ilə yanaşı, valideyn komitəsinin iki nəfər üzvü
də müşayiət etmişdir.
Hicran ƏKBƏROVA |