Azərbaycan Müəllimlər İnstitutunun Sumqayıt filialının bir qrup müəllim və tələbəsi Bakının Xəzər rayonunun Binə qəsəbəsində yerləşən "Ümid yeri" uşaq evinin qonağı olub. Sumqayıtlı qonaqlar uşaq evinin balaca sakinlərinə televizor və müxtəlif  hədiyyələr bağışlayıblar.

Həmin gün burada qonaqların və uşaqların ifasında bir-birindən şən mahnılar səslənib, əyləncəli oyunlar nümayiş edilib. Uşaq evinin sakinləri üçün keçirilən bu tədbir onlara bol-bol sevinc, təbəssüm və xoş əhvali-ruhiyyə bəxş edib.