Bakı şəhəri, Binəqədi rayonunun Biləcəri qəsəbəsində
yerləşən S.Məmmədov adına 301 nömrəli tam orta məktəbdə
akademik Ziya Bünyadovun 90 illiyinə həsr edilmiş "dəyirmi
masa" keçirilib. Tanınmış alimin xatirəsi əvvəlcə bir
dəqiqəlik sükutla yad edildi. Məktəbin direktoru Məmməd
Səfərov tədbiri giriş sözü ilə açıq elan etdi. O öz
çıxışında Ziya Bünyadovun həm də Sovet İttifaqı
Qəhrəmanı olduğunu vurğulayaraq görkəmli alimin
həyatından, keçdiyi şərəfli döyüş yolundan və səmərəli
yaradıcılığından söhbət açdı.
Daha sonra çıxış üçün söz alan tarix müəllimləri
Ə.Abdullayeva, S.Kərimova və İ.Abdullayev Ziya
Bünyadovun Azərbaycan tarix və şərqşünaslıq elmindəki
əvəzsiz xidmətindən söhbət açdılar.
Zalda Ziya Bünyadovun öz səsi ilə 10 dəqiqəlik çıxışı da
səsləndirildi.
Tədbirin sonunda məktəbin direktoru üzünü iştirakçılara
tutaraq bildirdi ki, akademik Ziya Bünyadova həsr edilən
bugünkü "dəyirmi masa" şagirdlərin hərbi-vətənpərvərlik
ruhunda tərbiyə olunmasında, onların dünyagörüşlərinin
zənginləşməsində çox böyük əhəmiyyət kəsb edir.
Ellada UMUDLU |