Bu günlərdə Xudat şəhər Nəriman Nərimanov adına 2
nömrəli tam orta məktəbdə Seyidməmməd Əliyevin
müəllifliyi və rejissorluğu ilə hazırlanmış "İlahi dərdi"
tamaşası nümayiş etdirildi. Bu tamaşanı Sabirabad rayon
mədəniyyət evinin Qarabağ əlillərindən ibarət "Mübarizlər"
teatrının üzvləri təqdim edib.
Truppa üzvləri I qrup Qarabağ əlilləri Vidadi Güləliyev,
Rəmzi Ağayev, Rahib Məmmədov, Rafiq Rzayev, II qrup əlil
Qadir Cəfərov, məcburi köçkün Dilarə İmanova və Nicat
Əliyev məktəblilərə Qarabağ hadisələrinə, Xocalı
faciəsinə həsr olunmuş tarixi məlumatları obrazlı
şəkildə nümayiş etdiriblər.
Həmin gün tədbirdə iştirak edən məktəb şagirdlərinin
Qarabağ hadisələrinin canlı şahidləri və iştirakçıları
ilə olan bu təması onlarda vətənpərvərlik tərbiyəsi,
vətənə məhəbbət, düşmənə sonsuz nifrət hissi aşılayan
amillərdən biri kimi yaddaqalan olub.
Nəzakət KƏRİMOVA,
Xudat şəhər N.Nərimanov adına
2 nömrəli tam orta məktəbin müəllimi |