Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

30 Mart 2012 - №12

 

Ədəbi-bədii gecə

 

Bu günlərdə Bakıdakı Cəfər Cabbarlı adına 187 nömrəli tam orta məktəbdə "Azərbaycan dili dövlət dilimdir, mənəvi varlığım, qeyrət dilimdir" mövzusunda ədəbi-bədii gecə keçirilib.

Azərbaycan Respublikası Təhsil Nazirliyinin, Bakı Şəhəri üzrə Təhsil İdarəsinin məsul işçilərinin, alimlərin, şairlərin iştirakı ilə keçirilmiş tədbirdə əvvəlcə qonaqlar məktəbin ayrı-ayrı siniflərində Azərbaycan dili və ədəbiyyat fənlərindən keçirilmiş "açıq dərs"lərdə iştirak etmişlər. Məktəbin XI sinif şagirdləri Səməd Vurğunun "Vaqif" dramının məzmunu" mövzusunda test suallarını yüksək səviyyədə cavablandırmışlar. Azərbaycan dili və ədəbiyyat fənnini tədris edən təcrübəli pedaqoq Böyükxanım Qasımovanın, eləcə də digər müəllimlərin "açıq dərs"lərdə nümayiş etdirdikləri yüksək peşəkarlıq  qonaqlar tərəfindən xüsusi qeyd olunmuşdur.

 "Açıq dərs"lər başa çatdıqdan sonra məktəbin akt zalında müəllim və şagirdlərin, valideynlərin, qonaqların iştirakı ilə "Azərbaycan dili dövlət dilimdir, mənəvi varlığım, qeyrət dilimdir" mövzusunda dahi Azərbaycan şairi Nizami Gəncəvinin anadan olmasının 870 illiyinə həsr olunmuş ədəbi-bədii gecə keçirilmişdir. Məktəbin şagirdləri ana dilimizlə bağlı şeirlər söyləmiş, dahi şairin əsərlərindən müxtəlif səhnələr, tamaşalar göstərmişlər.

Məktəbin direktoru Nailə Məmmədova  çıxış edərək demişdir ki, hər kəs öz dilini bilməli, öz dilində sərbəst danışmalı, fikrini qarşı tərəfə səlist çatdırmalıdır. Dilin tədrisi ilə məşğul olan müəllimlər doğma dilinə ürəkdən bağlı olmalıdırlar. Zaman-zaman dilimizin də başına çox müsibətlər gəlib, lakin o yaşayıb və bu gün də yaşayır.

Ulu öndərimiz Heydər Əliyev ana dilimizə həmişə diqqət və qayğı göstərib, dilimizin qorunması, yaşaması üçün böyük xidmətlər göstərmişdir.   Azərbaycanın xalq şairi, Dünya Azərbaycanlıları Mədəniyyət Mərkəzinin sədri Söhrab Tahir şagirdlərin hazırladıqları ədəbi-bədii musiqili gecədən məmnun qaldığını bildirmiş, özünün 23 cildlik seçilmiş əsərlərinin 13 cildini məktəbin kitabxanasına hədiyyə etmişdir.

Filologiya elmləri doktoru, professor Nizaməddin Şəmsizadə dahi şairimiz Nizami Gəncəvinin əsərlərinin orijinaldan səsləndirilməsini alqışlamış və tədbirin yüksək səviyyədə keçməsində məktəbin direktorunun və müəllimlərin zəhmətini xüsusi qeyd etmişdir.

Respublika Milli Valideyn-Müəllim Assosiasiyasının icraçı direktoru Təranə Şərifova, Respublika Sabitlik və İnkişaf Mərkəzinin rəhbəri Rasim Məmmədov, Bakı Şəhəri üzrə Təhsil İdarəsinin aparıcı məsləhətçisi Fərman Abdullayev və başqaları istedadlı şagirdlərin üzə çıxarılmasında məktəb rəhbərliyinin fəaliyyətini  yüksək qiymətləndirmişlər. 

Rauf İLYASOĞLU

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov