Lənkəran Dövlət Universitetinin tələbələri Lənkəran uşaq evinin sakinləri ilə görüşmüşlər. Tədbirdə tələbələr xoş arzularını bildirərək özləri ilə gətirdikləri bayram hədiyyələrini uşaqlara paylamışlar.

Uşaq evinin direktoru Ofelya Qənbərova görüş üçün minnətdarlığını bildirmişdir. Tədbir universitetin 1 nömrəli tədris korpusunda davam etdirilmişdir. Bayram iştirakçıları tələbələrin əl işlərindən təşkil olunmuş sərgiyə baxmışlar. Sərgidə  yazın gəlişinə həsr edilmiş rəsmlər nümayiş  etdirilmişdir.

Lənkəran Ağsaqqallar  Şurasının sədr müavini, universitetin valideynlər şurasının sədri  Sərhad Məmmədov, universitetin dosenti, filologiya elmləri üzrə fəlsəfə doktoru Mirhüseyn Abbas, universitetin tələbə-gənclər təşkilatının sədri Uğur Qurbanzadə və başqaları çıxış edərək ürək sözlərini söyləmişlər.

Sonda Novruz bayramına həsr edilmiş ədəbi-bədii kompozisiya göstərilmişdir.  

Hacı Etibar ƏHƏDOV