Martın 27-də Gənc Vətənpərvərlər Birliyi (GVB) "Narkotiklərdən əl çəkək" devizi altında regionlara avtoturun təşkil olunması və idman yarışlarının keçirilməsi layihəsinə başlamışdır.  GVB-nin mətbuat xidmətindən AzərTAc-a bildirmişlər ki, layihə iyunun 1-dək davam edəcək və bir neçə mərhələdə icra olunması nəzərdə tutulmuşdur.    Əvvəlcə maarifləndirmə məqsədi ilə orta ümumtəhsil, orta ixtisas və ali məktəblərdə, idman cəmiyyətlərində gənclərin vətənpərvərlik ruhunda tərbiyə olunması, sağlam həyat tərzi prinsiplərinə riayət edilməsi, müxtəlif zərərli vərdişlərin təsirinə düşmək istiqamətində riskli davranışlara yol verilməməsi və digər mövzularda seminarlar keçiriləcəkdir.  Atletika üzrə estafet qaçışlar, karate-do üzrə yarışlar təşkil olunacaqdır.