İmişli şəhər A.Eminov adına 7 nömrəli tam orta məktəbdə XIX əsr Azərbaycan ədəbiyyatının görkəmli nümayəndələrindən biri M.F.Axundzadənin 200 illik yubileyinə həsr olunmuş ədəbi-bədii gecə keçirilmişdir.

Tədbirdə milli dramaturgiyamızın, realist bədii nəsrin banisi, Yaxın və Orta Şərqdə ictimai maarifçilik hərəkatının böyük avanqardı və ideoloqu M.F.Axundzadənin ədəbi-bədii və ictimai fikrin inkişafındakı fəaliyyətindən ətraflı bəhs olunmuşdur.

Ədəbi-bədii gecədə  M.F.Axundzadənin "Hekayəti-Müsyö Jordan həkimi-nəbatat və dərviş Məstəli şah cadugüni-məşhur", "Hekayəti mərdi-xəsis", "Mürafiə vəkillərinin hekayəti" və s. komediyalarından parçalar səhnələşdirilmişdir. Şagirdlərin milli geyimlərdə yüksək istedadla təqdim etdikləri bu səhnələr məktəbin rəhbərliyi tərəfindən yüksək qiymətləndirilmişdir. Tədbirdə habelə ədibin şeirləri, müxtəlif illərdə yazdığı məktublar haqqında da məlumat verilmişdir.  

Leyla İBİŞOVA,
İmişli şəhər A.Eminov adına 7 nömrəli  tam orta məktəbin müəllimi