Mayın 10-da Bakı Humanitar Kollecində ulu öndər Heydər Əliyevin anadan olmasının 89-cu ildönümü münasibəti ilə tədbir keçirildi. Əvvəlcə tələbələrin əl işlərindən ibarət sərgi nümayiş olundu. Kollecin həyətinə Dövlət bayrağı gətirildi. Dövlət himni ifa olunduqdan sonra dahi şəxsiyyət Heydər Əliyevin əziz xatirəsi bir dəqiqəlik sükutla yad edildi.

Tədbiri giriş sözü ilə açan kollecin direktoru İlqar Mahmudov ümummilli lider Heydər Əliyevin Azərbaycan xalqı qarşısında misilsiz xidmətlərindən söz açdı.  Kollecin tələbələri ulu öndərə həsr olunmuş şeirlər söylədilər, mahnılar ifa etdilər. Sonra Heydər Əliyevə həsr olunmuş film nümayiş olundu.  Tədbirin sonunda  rəsm sərgisində fərqlənən tələbələr kollecin rəhbərliyi tərəfindən diplomla mükafatlandırıldı.  

R.ZİYADOV