Şirvan şəhər 14 nömrəli beynəlmiləl tam orta məktəbin müəllimi, beynəlxalq dərəcəli hakim Vaqif Gözəlovdan aldığımız məlumatda bildirilir ki, bu günlərdə rayonun orta ümumtəhsil məktəblərinin V-VIII sinif şagirdləri arasında mini-futbol üzrə şəhər birinciliyi keçirilib.

Olimpiya sistemi üzrə təşkil olunan yarışa Şirvan Şəhər Gənclər və İdman İdarəsinin mini-futbol meydançasında start verilib. Turnirin çempionu olmaq uğrunda 1, 2, 4  9, 10, 11, 14, 16, 18, 20 və 21 nömrəli tam orta məktəblərin komandaları mübarizə aparıblar.

Gərgin və maraqlı mübarizə şəraitində keçən yarışın finalında Sadıx Hüseynov adına 1 nömrəli və Arif Hüseynzadə adına 4 nömrəli tam orta məktəblərin şagirdləri I-II yerləri bölüşdürüblər. Elçin İmanov adına 10 nömrəli tam orta məktəbin futbolçuları isə III yeri qazanıblar.

Qalib komandalar Şirvan Şəhər Gənclər və İdman İdarəsi tərəfindən kubok, diplom və hədiyyələrlə təltif olunublar. 

ƏDALƏT