Bu günlərdə Abşeron Rayon Təhsil Şöbəsinin ümumtəhsil məktəblərində dayaq məntəqələrinin fəaliyyətinə həsr olunmuş elmi-praktik konfrans keçirilib.

Konfransda AMİ-nin Sumqayıt filialının rəhbərliyi və əməkdaşları,  müəllimlər, dayaq məntəqə rəhbərləri və təhsil şöbəsinin əməkdaşları iştirak ediblər. Tədbirdə Abşeron rayonunda müəllimlərin ixtisasartırma təhsili, dayaq məntəqələrinin fəaliyyəti, məşğələlərin keçirilməsi və digər məsələlər müzakirə edilib.

Tədbirdə Saray qəsəbə məktəbinin müəllimi Dürdanə Novruzova, Abşeron RTŞ metodmərkəzinin direktoru Məhərrəm Paşayev, AMİ-nin Sumqayıt filialının müəllimi Rafiq Teymurov, Azərbaycan Müəllimlər İnstitutunun əlavə təhsil üzrə prorektoru Rəhim Əzizov Abşeronda ixtisasartırma təhsilinin təşkilindən bəhs edən məruzələrlə çıxış ediblər.

ƏDALƏT