Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

25 May 2012 - №20

 

"Azərbaycan tələbə kartı"  ilk istifadəçilərinə təqdim olunub

 

Mayın 19-da "Hilton Bakı" mehmanxanasında tələbələrin uzun müddətdir səbirsizliklə gözlədiyi "Azərbaycan tələbə kartı" ilk istifadəçilərinə təqdim olunmuşdur.

 AzərTAc xəbər verir ki, ölkəmizdə yenilik olan bu layihə Təhsil Nazirliyi, Gənclər və İdman Nazirliyinin dəstəyi, Azərbaycan Tələbə Gənclər Təşkilatları İttifaqının birgə təşəbbüsü ilə həyata keçirilmişdir.

 Təqdimat mərasimində gənclər və idman naziri Azad Rəhimov bildirmişdir ki, dünyada ilk dəfə olaraq tələbə kartları dövlət hesabına təmənnasız olaraq tələbələrin istifadəsinə verilir. Tələbələr bu kart vasitəsilə müxtəlif şəbəkələrdən istifadə etmək üçün xüsusi güzəştlər əldə edəcəklər. Bu layihə tələbələrin Avropada təhsil alan gənclərlə əlaqələrinin genişlənməsində də mühüm rol oynayacaqdır.

 Təhsil naziri Misir Mərdanov qeyd etmişdir ki, digər ölkələrdə bu kartlar pulla verilirsə, Azərbaycanda ölkə başçısının gənclər siyasəti proqramına uyğun olaraq pulsuz veriləcəkdir. Azərbaycanda ali təhsil məktəblərində 150 minədək tələbə var. Dörd il müddətinə veriləcək kartlar bütün tələbələrə mərhələlərlə təqdim olunacaqdır.

 Azərbaycan Respublikası Prezidenti Administrasiyasının siyasi təhlil və informasiya təminatı şöbəsinin müdiri Elnur Aslanov layihənin ölkəmizdə aparılan gənclər siyasətinin bariz nümunəsi olduğunu demişdir. Vurğulamışdır ki, layihə Azərbaycan Prezidenti İlham Əliyevin təsdiqlədiyi "Azərbaycan gəncliyi 2011-2015-ci illərdə" Dövlət Proqramında nəzərdə tutulan təhsil alan gənclərə sosial dəstəyin artırılması məqsədi ilə həyata keçirilir.

 Milli Məclisin sosial siyasət komitəsinin sədri Hadi Rəcəbli "Azərbaycan tələbə kartı"nın ölkəmizdə təhsil alan gənclər üçün əhəmiyyətindən danışmış, təhsilin inkişaf etdirilməsi üçün atılan uğurlu addım olduğunu diqqətə çatdırmışdır.

 Sonra Azərbaycan Tələbə Gənclər Təşkilatları İttifaqının sədri Şahin İsmayılov və "Xəzər" İnvestisiya Mərkəzinin prezidenti Elşən Musayev layihə haqqında ətraflı məlumat vermişlər. Bildirmişlər ki, "Azərbaycan tələbə kartı"nı əldə edən hər bir tələbə respublika ərazisində, həmçinin Avropanın 30-dan çox ölkəsində 80 mindən artıq ictimai iaşə obyektlərindən güzəştlə istifadə edəcəkdir.

 Sonda "Azərbaycan tələbə kartı" ilk istifadəçilərinə təqdim olunmuşdur.

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov