Bakının Nərimanov rayonundakı E.Əliyev adına 93   nömrəli  tam orta məktəbdə "Yeni fənn kurikulumlarının tətbiqi, təhsilin keyfiyyəti, ibtidai siniflərdə kurikulum sisteminin həyata keçirilməsinin vəziyyəti" mövzusunda  elmi-praktik konfrans keçirildi.

Təhsil ocağının direktoru Zemfira Mahmudova çıxış edərək  şagirdlərin istedadının inkişaf etdirilməsi üçün məktəbdə hər cür şəraitin yaradıldığını dedi.  Məktəbdə təhsilin keyfiyyətini yüksəltmək məqsədilə  görülən işlər, yeni kurikulumların tətbiqi ilə bağlı məlumat verildi. 

Konfrans çərçivəsində qonaqlar  ibtidai siniflərdə təşkil olunan  Kəmalə Hacıyeva, Vüsalə Abdullayeva, Xanım Hüseynova və Xoşbəxt Nəbiyevanın "açıq dərs"lərində iştirak etdilər.

"Açıq dərs"lər dinlənildikdən sonra onların müzakirəsi aparıldı. Müzakirələrdə  çıxış  edənlər   dinlədikləri dərslərin kurikulumun tələblərinə uyğun keçdiyini, müasir təlim metodlarından, resurslardan  geniş istifadə olunduğunu bildirdilər.  

R.ZİYADOV