Koreya
Milli İnformasiya Cəmiyyətinin nümayəndələri Bakı Dövlət
Universitetində olublar. Qonaqları qəbul edən rektor,
akademik Abel Məhərrəmov Azərbaycanın müstəqilliyini
tanıyan ilk dövlətlərdən birinin Cənubi Koreya olduğuna
diqqət çəkib, ölkələrarası əlaqələrin bütün istiqamətlər
üzrə inkişaf etməsindən məmnunluq ifadə edib. Eyni
zamanda rektor BDU haqqında məlumat verib, universitetin
beynəlxalq əlaqələrindən, qrant və proqramlardan
danışıb. BDU-da tədris olunan Koreya dili və
ədəbiyyatından söz açan rektor hazırda dövlət proqramına
uyğun olaraq 50 nəfərdən çox tələbənin Koreyanın
müxtəlif universitetlərində oxuduğunu bildirib.
Qəbul üçün rektora təşəkkür edən Koreya Milli
İnformasiya Cəmiyyətinin icraçı direktoru Myungha Hong
bildirib ki, səfərdə məqsəd 4 il əvvəl BDU-da yaradılmış
Azərbaycan-Koreya məlumat mərkəzinin monitorinqini
aparmaqdır. Mərkəzlə tanış olduqdan sonra qonaqlar
mərkəzin kompüter sisteminin yenilənməsi, videokonfrans
və virtual universitetin yaradılması qərarına gəliblər.
Qonaqların təkliflərini qəbul edən rektor BDU tərəfindən
onlara bütün işlərdə dəstək veriləcəyini bildirib.
Sonda bütün bu dəyişiklikləri nəzərdə tutan müqavilə
imzalanıb.
BDU-nun Mətbuat və informasiya şöbəsi |