Bakının Səbail rayonunda yerləşən 85 nömrəli körpələr evi-uşaq bağçasında  1 iyun - Uşaqları Beynəlxalq Müdafiə Gününə həsr olunmuş mərasim keçirildi. Tədbiri giriş sözü ilə açan bağçanın müdiri  Kəmalə Abbasova balaca fidanları və valideynləri əlamətdar gün münasibətilə təbrik edərək  onlara xoş arzularını bildirdi. K.Abbasova möhtərəm Prezidentimiz İlham Əliyevin ölkəmizdə təhsilin ilkin pilləsi sayılan məktəbəqədər təhsilə göstərdiyi diqqət və qayğıdan söz açdı. O, bu tədbirdə 22 uşağın artıq bağçaya "əlvida" deyərək I sinfə yola salındığını  vurğuladı. Eyni zamanda uşaqların tərbiyəsində böyük əməyi olan tərbiyəçilər Gülbacı Mahmudova, Sultanxanım Mehrəliyeva və Namidə  Quliyevanın da  əməyini yüksək qiymətləndirdi.

Tədbirdə  çıxış edən valideynlər uşaqlar üçün yaradılan şəraitdən razı qaldıqlarını bildirərək bağçanın  rəhbərliyinə və  kollektivinə  minnətdarlıq etdilər.

Həmin gün   balaca fidanlar vətənə, bağçaya və müəllimə aid şeir söylədilər, mahnı oxudular və  rəqs etdilər.

Sonda uşaqlar öz sevimli müəllimləri ilə xatirə şəkli çəkdirməyi də unutmadılar. 

Şakir CƏFƏROV