Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

1 İyun 2012 - №21

 

"Göyərçin"in uşaqlara növbəti hədiyyəsi

 

Tanınmış şair, ədəbiyyatşünas, filologiya elmləri doktoru, professor Rafiq Yusifoğlunun yaradıcılığının ən aparıcı qollarından biri uşaq ədəbiyyatıdır. Onun uşaqlar üçün yazdığı əsərlər həmişə sevilə-sevilə oxunur. Rafiq müəllim bir sıra dərs vəsaitlərinin, o cümlədən birinci siniflər üçün "Ana dili" dərsliyinin müəllifidir. Onun şeirləri, hekayələri, nağılları orta məktəb dərsliklərinin, müntəxəbat, əlavə oxu kitablarının bəzəyidir desək, yanılmarıq. Ona görə ki, uşaq psixologiyasını gözəl bilən R.Yusifoğlu onların maraq dairəsini çox gözəl bilir. Onun "Göyərçin"in kitabxanası seriyasından ayrı-ayrı vaxtlarda nəşr olunan "Söz çəməni", "Zamanın qatarı", "Yollar", "Günlərimiz, aylarımız", "Ana dilim" və s. şeir kitabları həm balaca oxucular, həm də mütəxəssislər, müəllimlər və tərbiyəçilər tərəfindən böyük maraqla qarşılanıb. Müəllimlər etiraf edirlər ki, məktəbdə tədbirlərin hazırlanmasında bu kitablar həmişə onların köməyinə gəlir.

Bu günlərdə Rafiq Yusifoğlunun həmin silsiləni tamamlayan yeni bir kitabı işıq üzü görüb. Həmin kitab "Quşlar dünyası" (Bakı, 2012) adlanır. Kitabın annotasiyasında oxuyuruq: "Əziz balalar, müəllimlərin, tərbiyəçilərin xahişi ilə jurnalımızın ayrı-ayrı saylarında verdiyimiz şeirləri bir yerə topladıq. İstədik ki, həm quşlar haqqında yazılan şeirləri oxumaqla, həm də onların şəkillərinə baxmaqla qanadlı dostlarımızı yaxından tanıya, onları bir-birindən fərqləndirə biləsiniz".

Doğrudan da, qanadlı dostlarımızı balalarımıza  tanıtmaq olduqca vacib məsələlərdən biridir. Rafiq Yusifoğlunun şeirlərində hər quşun istər zahiri görünüşü, istərsə də onların "xasiyyəti" haqqında verdiyi poetik cizgilər çox maraqlı və düşündürücüdür. Məsələn, "Qaranquş" şeirində oxuyuruq: 

Yenə aydın səmada

Qaranquşum süzəcək.

Elə bil ki, qayçıdır

Onun haça quyruğu,

Buludları kəsəcək... 

Bu tipli bənzətmələr şairi quşlar haqqında ümumi söz söyləməkdən uzaqlaşdırır. "Bülbül" şeirində şair bülbülü müğənniyə, qızılgülü isə mikrofona bənzədir. "Kəklik çıxıb daşlığa, qayalar çiçəkləyib" ifadəsi də maraqlıdır, balaca oxucuda kəkliyin gözəlliyi haqqında müəyyən təsəvvür yaradır. "Zığ-zığ" haqqındakı bu misralar da həmin quş haqqında müəyyən təsəvvür yaradır: 

Niyə hay-küy salırsan,

Elə bil ki, dardasan.

Gizlənsən də, çığırtın

Xəbər verir hardasan. 

Kitabda yetmişə yaxın quş haqqında poetik məlumat verilir. Hər quşun özünəməxsus cizgilərinin tapılıb ön plana gətirilməsi şeirlərin bədii dəyərini, onların təsir gücünü xeyli dərəcədə artırır. Hər şeirin yanında quşların rəngli şəkillərinin verilməsi bədii mətnlə fotonun müqayisəsi imkanı yaradır ki, bu da pedaqoji baxımdan çox əhəmiyyətlidir. Kitabın tərtibatında rəssamlardan İlqar Mehdiyev və Fidan Axundovanın rəsmlərindən də istifadə olunub. Ümid edirik ki, Rafiq Yusifoğlunun digər kitabları kimi "Quşlar dünyası" adlı kitabı da balaca oxucularımızın xoşuna gələcək, müəllim və tərbiyəçilərin yaxın köməkçisinə çevriləcək.

 Günel ALMAZ,
"Göyərçin" jurnalının  baş ədəbi işçisi,
"Xan qızı  Natəvan" mükafatının laureatı

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov