Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

8 İyun 2012 - №22

 

Ümumdünya Tütünlə Mübarizə Gününə həsr olunmuş tədbir

 

Azərbaycan Dillər Universitetində  mülki müdafiə kafedrasının baş müəllimi Sədaqət Musayevanın təşkilatçılığı ilə 31 may Ümumdünya Tütünlə Mübarizə Gününə həsr olunmuş  tədbir keçirilib.

ADU-nun tərbiyə işləri üzrə prorektoru Ələddin Əliyev çıxış edərək gənclərin sağlam həyat tərzinin formalaşmasında rol oynayan bu kimi tədbirlərin universitetdə artıq ənənə halını aldığını vurğulayıb. Maarifləndirmə işinin bu sahədə önəmli rol oynadığı da diqqətə çatdırılıb. 

Sonra 1 saylı ingilis dili və regionşünaslıq və beynəlxalq münasibətlər fakültəsinin tələbələrinin ifasında mülki müdafiə kafedrasının baş müəllimi Sədaqət Musayevanın ssenarisi əsasında səhnələşdirilmiş "Uçurumun kənarında" adlı tamaşa nümayiş etdirilib. Tamaşada gənclərin zərərli və pis vərdişlərə qurşanması, bəzi valideynlərin övladlarına göstərdiyi biganə münasibətdən, iki gəncin narkotika aludəçisi olmasından və  xəstəliyə tutulmasından bəhs edilib.

Gənclərin üzləşdiyi problemlərin obrazlı şəkildə canlandırılmasını yüksək qiymətləndirən Səhiyyə Nazirliyinin İctimai səhiyyə və islahatlar mərkəzinin şöbə müdiri  Aynur Rəşidova bu kimi tədbirlərin maarifləndirmə sahəsində önəmli olduğunu bildirib.  Ombudsman aparatının şöbə müdiri Yeganə Cəfərova, Regional Psixologiya Mərkəzinin psixoloqu  Murad İsayev, QİÇS-lə Mübarizə Mərkəzinin həkimi Dilşad Mahmudova da çıxış edərək  tələbələri pis vərdişlərə qurşanmamağa və onlardan uzaq olmağa çağırıblar.   

Şakir CƏFƏROV 

*** 

Bakının Lökbatan qəsəbəsindəki 288 nömrəli tam orta məktəbdə 31 may Ümumdünya Tütünlə Mübarizə Gününə həsr olunmuş tədbir keçirilib.

Tədbiri giriş sözü ilə məktəbin direktoru Gülüstan Ağazadə açaraq bildirib ki, 31 may tarixi 1988-ci ildə Ümumdünya Tütünlə Mübarizə Günü kimi qəbul edilib. O, vaxtdan həmin gün Ümumdünya Səhiyyə Təşkilatı (ÜST) tərəfindən müxtəlif ölkələrdə insanları tütün məhsullarından istifadədən çəkindirmək məqsədi ilə hər il qeyd olunur. İlk dəfə bu gün beynəlxalq ictimaiyyətin diqqətini tütün epidemiyası və onun ölümcül təsirlərinə cəlb etmək məqsədi ilə dünya ölkələri arasında tədbirlər keçirilib. Hazırda tütündən istifadə etmə dünyada geniş yayılmış pis vərdişlərdən birinə çevrilmişdir.

Tədbirdə bildirilib ki, siqaret çəkən insanların əksəriyyəti ağ ciyər xərçəngi, xroniki bronxit, ürək-damar xəstəliklərinə düçar olur. Tütün həm çəkənin özünün, həm də ətrafda olan insanların sağlamlığına güclü zərbə vurur.

Məktəbin şagirdləri 31 may Ümumdünya Tütünlə Mübarizə Gününə həsr olunmuş tamaşa göstəriblər. Tədbirin sonunda film nümayiş olunub. 

Rəşad ZİYADOV

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov