Xüsusi ifaçılıq qabiliyyəti və istedadı ilə fərqlənən, beynəlxalq  musabiqələrin qalibi  11 yaşlı  Yasin  Həsənov  "Buta" İncəsənət Mərkəzinin dəstəyi ilə ölkəmizi Ukraynada gənc ifaçıların  beşinci "Uşaq yeni dalğa -2012" mahnı müsabiqəsində təmsil edib. Müsabiqənin final  mərhələsi  Krımdakı "Artek" Uşaq Mərkəzində keçirilib. Y.Həsənov müsabiqədə  ölməz sənətkar, xalq artisti M.Maqomayevin bəstələdiyi "Azərbaycan" mahnısını ifa edib. Qeyd edək ki, birincilik uğrunda 12 ölkəni təmsil edən 16 istedadlı ifaçı mübarizə aparıb.

Bir həftədən çox davam edən müsabiqənin açılış mərasimində  tanınmış incəsənət xadimləri ilə yanaşı, Ukrayna prezidenti və Krımda fəaliyyət göstərən Azərbaycan diasporunun rəhbərliyi də iştirak edib. 

Sifai SƏFƏROVA