Avqustun 29-da Azərbaycan Dillər Universitetinin rektoru, Milli Məclisin deputatı, professor Səməd Seyidov Fələstinin Azərbaycandakı fövqəladə və səlahiyyətli səfiri Nasir Əbdül Kərəm A.Rəhim ilə görüşdü. Rektor Səməd Seyidov  qarşıdan  gələn  yeni  tədris ilində  ADU-ya  qəbulun  50  faiz  artdığını  səfirin  diqqətinə  çatdırdı.

O, universitetdə Qərb  ölkələrinin dilləri ilə yanaşı, Şərq ölkələrinin dillərinin də tədris olunduğunu dedi.  Səməd Seyidov  Çin, yapon dillərinin tədrisinin də ADU-da uğurla aparıldığını qeyd etdi. Bildirildi ki, ali təhsil ocağında 2011-2012-ci tədris ilində ərəbşünaslıq ixtisası açılıb. ADU-da bu ixtisas üzrə artıq 10 tələbənin təhsil aldığı vurğulandı. Rektor səfiri ərəbşünas tələbələrlə görüşmək məqsədilə yeni tədris ilində bir daha ADU-ya dəvət etdi.

Səfir Nasir Əbdül Kərəm A.Rəhim, öz növbəsində, ADU-nun regionşünaslıq və beynəlxalq münasibətlər fakültəsində ərəbşünaslıq ixtisası üzrə təhsil alan tələbələrlə tanışlıq və ünsiyyətin onun üçün də maraqlı olduğunu söylədi.

Səfir yeni dərs ilində tələbələrə mühazirə oxumaqdan məmnunluğunu dilə gətirdi. 

ADU-nun Mətbuat xidməti