Sentyabrın 26-dan 30-dək Bakıda Diplomatik Akademiya və Beynəlxalq Münasibətlər İnstitutlarının 40-cı Dünya Forumu keçiriləcəkdir.

Azərbaycan Diplomatik Akademiyasından (ADA) AzərTAc-a bildirmişlər ki, ADA-nın yeni kompleksində keçiriləcək tədbirdə dünyanın 70 ölkəsindən 90-dan artıq rektor və dekan iştirak edəcəkdir. Forumda diplomatik təlim, qlobal siyasi məsələlər və onların müasir təhsilə təsiri müzakirə olunacaqdır. Bundan əlavə, enerji və kiçik ölkələrin diplomatiyası, qlobal siyasi dəyişikliklər, regional təşkilatların inkişafı və digər məsələlər ilə bağlı fikir mübadiləsi aparılacaqdır.

Xarici qonaqlar Bakı, Şəki və Qəbələ, o cümlədən Azərbaycanın tarixi və ənənələri ilə yaxından tanış olacaqlar.