Masallı
Rayon Təhsil Şöbəsindən aldığımız məlumatda bildirilir
ki, regionların 2009-2013-cü illərdə sosial-iqtisadi
inkişafına dair Dövlət Proqramına müvafiq olaraq
rayondakı Qodman, Köçəkli və Sığıncaq kəndlərində 360
şagird yerlik tam orta, Dəmirçi kəndində 220 və Ərəb
kəndində 80 şadird yerlik ümumi orta məktəb binalarının
2012-2013-cü dərs ilinin ilk günündə açılış mərasimləri
olub.
Mərasimdə RTŞ-ın müdiri A.İbişov çıxış edərək yeni
tikilmiş, müasir tələblərə cavab verən, hər cür
avadanlıqlarla və məktəb ləvazimatları ilə təmin edilmiş
binalarda dərs deyəcək müəllimləri, burada təhsil alacaq
şagirdləri yeni dərs ili münasibəti ilə təbrik edib,
onlara uğurlar diləyib.
"Bilik günü" ilə bağlı yeni məktəblərdə keçirilmiş
mərasimlərdə rayon icra hakimiyyətinin başçısı Rafil
Hüseynov, Milli Məclisin deputatları Nəriman Əliyev və
Elmira Axundova, ziyalılar, kənd ictimaiyyətinin
nümayəndələri çıxış edərək rayonun bütün təhsil
işçilərini bayram münasibəti ilə təbrik ediblər.
Tədbirdə Qodman kənd tam orta məktəbinin direktoru
B.Yaqubov, Dəmirçi kənd ümumi orta məktəbinin direktoru
A.Şükürova, Sığıncaq kənd tam orta məktəbinin direktoru
S.Ağayev, Ərəb kənd ümumi orta məktəbinin müəllimi
Ə.Hüseynov çıxış edərək ölkədə təhsilə və təhsil
işçilərinə göstərdiyi bu yüksək qayğıya görə Azərbaycan
Respublikasının Prezidenti İlham Əliyev cənablarına
minnətdarlıqlarını bildiriblər.
ƏDALƏT |