Sentyabrın 24-də Prezident İlham Əliyev tərəfindən imzalanmış "Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı" haqqında 2012-ci il 23 may tarixli Sərəncamın icrası ilə bağlı təqdim olunmuş təkliflərin müzakirəsi ilə bağlı Azərbaycan Milli Elmlər Akademiyasının (AMEA) Rəyasət Heyətində İşçi Qrupunun iclası keçirilmişdir.

Akademiyadan AzərTAc-a bildirmişlər ki, alim və mütəxəssislərin iştirak etdikləri iclası giriş sözü ilə açan AMEA-nın Humanitar və İctimai Elmlər Bölməsinin akademik-katibi, akademiyanın müxbir üzvü Kamal Abdullayev gündəlikdəki məsələ ilə bağlı ətraflı məlumat vermişdir.

İrəli sürülmüş müxtəlif təkliflər ətrafında geniş müzakirələr aparılmışdır.