Türkmənistan prezidenti Qurbanqulu Berdimuhamedov Bakı
Dövlət Universitetinin müəllimi, kimya elmləri namizədi
Flora Hacıyevaya "Debütların birliyi" mükafatını təqdim
edib. Mükafatın təqdimatı Aşqabadda keçirilən MDB
ölkələrinin yaradıcı və elmi ziyalılarının VII Forumu
çərçivəsində baş tutub.
Forumda Müstəqil Dövlətlər Birliyinin (MDB), MDB-nin
İcraiyyə Komitəsinin, MDB Parlament Assambleyasının,
ictimai, elmi və yaradıcı təşkilatların və
Türkmənistanda akkreditə olunmuş diplomatik korpusun
nümayəndələri iştirak etmişlər. Forumun məqsədi -
təhsil, elm, ədəbiyyat, incəsənət və mədəniyyət
sahələrində MDB ölkələrinin inkişafını müzakirə
etməkdir.
"Debütların birliyi" mükafatı MDB-nin Humanitar
Əməkdaşlıq Şurası və MDB Dövlətlərarası Humanitar
Əməkdaşlıq Fondu tərəfindən təsis edilib.
"Debütların birliyi" mükafatı elm və mədəni sahələrdə
fərqlənmiş gənc mütəxəssislərə təqdim edilir.
BDU-nun Mətbuat və informasiya şöbəsi |