Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

2 Noyabr 2012 - №43

 

SDU-da növbəti elmi konfrans

 

Sumqayıt Dövlət Universitetində (SDU) "Monomerlər və polimerlər kimyasının müasir problemləri" II Respublika elmi konfransı öz işinə başladı. Plenar iclası universitetin rektoru, professor Nadir Qəhrəmanov açaraq konfrans barədə məlumat verdi, tədbirin bu ali məktəbin 50 illik yubileyi çərçivəsində təşkil olunduğunu diqqətə çatdırdı. Rektor qeyd etdi ki, SDU tərəfindən bugünədək 17 beynəlxalq, 28 respublika konfransı keçirilib. Son 10 ildə universitetin 17 əməkdaşı elmlər doktoru, 84-ü isə elmlər namizədi adını alıb. "Ölkəmizin iqtisadi inkişafı bütün istiqamətlər üzrə yeni texnologiyalar mənimsəmiş kadrların yetişdirilməsini tələb edir ki, Sumqayıt Dövlət Universiteti də bu baxımdan ölkəmizin qabaqcıl ali təhsil ocaqlarından biri kimi çıxış edir", - deyə rektor bildirdi.

Daha sonra çıxış edən Polimer Materialları İnstitutunun direktoru, AMEA-nın müxbir üzvü, SDU-nun professoru Abbas Quliyev konfransın əhəmiyyətindən danışdı. Qeyd edildi ki, ölkəmizin yüksək inkişafı elmi tapıntıları da zəruri edir.

AMEA-nın Rəyasət Heyətinin akademik katibi, akademik Vaqif Fərzəliyev də bu cür elmi konfransların sıx şəkildə keçirilməsinin təqdirəlayiq hal olduğunu qeyd etdi.

Daha sonra konfransda məruzələr oldu. AMEA-nın Aşqarlar Kimyası İnstitutunun laboratoriya rəhbəri, professor Əli Əhmədov vinil monomerləri əsasında polimerlər və birgə polimerlərin neft sənayesində tətbiqi barədə məlumat verdi.

AMEA-nın Neft-kimya Prosesləri İnstitutunun laboratoriya rəhbəri, professor Münəvvər İbrahimova radikal polimerləşmə, sabit radikallar və onların sənayedə alınması və tətbiqi barədə danışdı.

SDU-nun professoru Niyazi Rəsulzadə polifunksional polimerlərin xassələri, Polimer Materialları İnstitutunun laboratoriya rəhbəri, professor Bəxtiyar Məmmədov poliaminoarenlərin stabil elektrik keçiriciliyinə malik nanokompozisiyaları barədə çıxış etdilər.

Konfransın plenar iclasına SDU-nun rektoru professor Nadir Qəhrəmanov yekun vuraraq müzakirələrin əhəmiyyətli olacağına inamını ifadə etdi. 

Sumqayıt Dövlət Universitetinin  Mətbuat xidməti

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov