Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

16 Noyabr 2012 - №45

 

Azərbaycanlı gənc bəstəkarın əsəri Beynəlxalq "ALEA III" müsabiqəsinin finalında səsləndirilib

 

 Gənc azərbaycanlı bəstəkar Türkər Qasımzadənin əsəri ABŞ-ın Massaçusets ştatının Boston şəhərində keçirilən bəstəkarların ənənəvi 30-cu Beynəlxalq "ALEA III" müsabiqəsinin finalında səsləndirilib. Üzeyir Hacıbəyli adına Bakı Musiqi Akademiyasının məzunu olan Türkər beynəlxalq müsabiqənin final konsertində amerikalı musiqisevərlərə "Qurama" əsərini təqdim edib. ABŞ-ın nüfuzlu universitetlərinin professorlarının və mədəniyyət  xadimlərinin daxil olduğu münsiflər heyəti festivalda həmyerlimizin əsərini yüksək qiymətləndirmişdir. Gənc bəstəkarın əsəri festival iştirakçıları ilə yanaşı, amerikalı musiqisevərlərin də böyük marağına səbəb olmuşdur.

Məlumat üçün bildirək ki, dünyanın mötəbər musiqi yarışmalarından biri hesab olunan "ALEA III" 1980-ci ildən keçirilir. Müsabiqənin keçirilməsinin başlıca məqsədi dünya bəstəkarlarının yeni və müasir üslubda musiqi yaradıcılığına dəstək verməkdir. Bu il keçirilən bəstəkarların 30-cu Beynəlxalq "ALEA III" müsabiqəsində iştirak etmək üçün  200-dən çox müraciətin daxil olmasına baxmayaraq, yalnız 6 ölkə - ABŞ, Azərbaycan, İspaniya, Yunanıstan, Meksika və Polşa bəstəkarları finala vəsiqə qazanmışlar.

Final mərhələsində iştirak edən bəstəkarların əsərlərini dünya şöhrətli  dirijor Teodor Antonionun rəhbərlik etdiyi ansambl səsləndirib.

Gənc bəstəkar Türkərin geniş ansaml üçün yazılmış və Azərbaycan rəssamları Məzahir və Lalə Avşarlara həsr olunan "Qurama" əsəri bir müddət bundan əvvəl ABŞ-ın Ayova ştatının memorial zalında məşhur dirijor Bert van Herkin rəhbərliyi ilə Ayova Universitetinin müasir musiqi ansamblı tərəfindən də ifa olunmuşdur. Adıçəkilən əsər, həmçinin çoxsaylı bəstəkarların işləri sırasından xüsusi olaraq seçilmiş və ABŞ-ın orta qərb bölgəsi bəstəkarlarının simpoziumu çərçivəsində Sinsinati Konservatoriyasında keçirilən konsertdə səsləndirilmişdir.

Qeyd edək ki, 2011-ci ildə Manhetten Musiqi Akademiyasında magistr dərəcəsi alan azərbaycanlı bəstəkar hazırda Heydər Əliyev Fondunun dəstəyi ilə ABŞ-ın musiqi sahəsində ən qabaqcıl və nüfuzlu ali təhsil müəssisələrindən biri sayılan Ohayo ştatında yerləşən Sinsinati Konservatoriyasında bəstəkarlıq üzrə doktorluq təhsilini davam etdirir.

Gənc bəstəkarın əsərləri ABŞ, İtaliya, Avstraliya, İsveçrə və Latviyada keçirilmiş müxtəlif müsabiqələrin ən yüksək mükafatlarına layiq görülmüşdür. 

Samirə KƏRİMOVA

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov