Məhəmməd Nuri 2012-ci ildə Bakıda anadan olub. 2008-ci ildə paytaxtda fəaliyyət göstərən "Zəngi" liseyinin birinci sinfinə qəbul olunub. Dərs əlaçısıdır.

Məhəmməd 4 yaşından Bakıdakı 10 nömrəli Uşaq-Gənclər İdman Məktəbində idmanın cüdo növünə üzv yazılıb. Burada o, müəllimi, əməkdar məşqçi Vüqar Aliyevin rəhbərliyi altında cüdo idman növünün sirlərinə yiyələnməyə başlayıb. İlk yarışlarda 7 yaşı olarkən idman məktəblərinin açıq birinciliyində 30 kq çəki dərəcəsində çıxış edib və I yeri tutub.

M. Nuri 2011-ci ildə Türkiyənin Urfa şəhərində cüdo üzrə keçirilən turnirdə 30 kq çəki dərəcəsində I yerin sahibi olub. Qızıl medal, diplom və kubokla təltif olunub. Elə həmin ilin aprelində isə İran İslam Respublikasının Ərdəbil şəhərində keçirilən  1-ci Fəcr beynəlxalq turnirində 34 kq çəki dərəcəsində I yerə layiq görülüb. O, 2012-ci ildə də İranın Ərdəbil şəhərində təşkil olunan 2-ci Fəcr beynəlxalq turnirində I yeri tutaraq qızıl medal qazanıb.

Bu günlərdə 10 nömrəli UGİM-nin direktoru İlqar Nuruyevdən aldığımız məlumatda  bildirilir ki, məktəbin fəxri sayılan Məhəmməd Nuri bu ilin 12-17 may tarixlərində Ukraynanın Odessa şəhərində 10-12 yaşlı yeniyetmələr arasında cüdo üzrə IX Beynəlxalq Avropa turnirində iştirak edib. O, 16 ölkədən 800-dən çox idmançının 9 çəki dərəcəsində mübarizə apardığı bu yarışda 34 kq çəki dərəcəsində I yeri qazanaraq qızıl medalın və Avropa kubokunun sahibi olub. 

Səhifəni hazırladılar: Ədalət DAŞDƏMİRLİ, Rəşad RAMAZANOĞLU