Ağdaş rayonunda  yeniyetmələrin  "Xəmsə" milli intellektual oyunu üzrə  II Azərbaycan çempionatının zona mərhələsi keçirilib. Tədbir Habil Əliyev  adına Ağdaş Musiqi Məktəbində baş tutub. Mərasimdə "Xəmsə" milli intellektual oyununun əsas məqsədi açıqlanıb. Qeyd olunub ki, oyun  yeniyetmələrin dünyagörüşlərinin artmasına, zehni inkişaflarının stimullaşdırılmasına  xidmət edir. Azərbaycanın zəngin milli mədəniyyətinin və tarixinin təbliği, eləcə də yeniyetmə  və gənclərin asudə vaxtlarının səmərəli təşkili istiqamətində bu tədbir təqdirəlayiqdir.

Sonra yarışlara start verilib. Məktəblilərin zona yarışında Ağdaş, İsmayıllı, Göyçay, Ağsu, Şamaxı, Kürdəmir, Qobustan, Ucar və Zərdabdan olan  16 komanda öz bilik və bacarığını sınayıb. Yarışda İsmayıllı, Ucar və Ağdaş komandaları müvafiq olaraq I, II, III yerləri bölüşüb. İsmayıllı komandası isə  Bakıda keçiriləcək yeniyetmələrin  "Xəmsə" milli intellektual oyunu üzrə  II Azərbaycan çempionatının finalında iştirak etmək hüququ qazanıb. Qeyd edək ki, tədbir Gənclər və İdman Nazirliyinin təşkilatçılığı ilə  keçirilib.