Azərbaycan Rəssamlar İttifaqının üzvləri, tanınmış
rəssamlar - Mirzəağa Əsgərli, Namiq Qəhrəmanov, Ələsgər
Kazımov, Fərhad İsgəndərli, Yaşar Əliyev, İlahə Əliyeva
və Ülkər Xaliqova tərəfindən Ağdaş şəhərindəki Heydər
Əliyev Mərkəzində 3 gün ərzində ustad dərsləri və
məşğələlər keçirilib. Eyni zamanda tanınmış rəssamların
iştirakı ilə Ağdaş şəhərindəki Heydər Əliyev parkında
açıq havada təşkil olunan yaradıcılıq emalatxanasında
gənc rəssamlar kətan üzərinə yağlı boya ilə müxtəlif
mövzuda 30-a yaxın rəsm çəkmişlər. Həmin əsərlər 5
gün ərzində Heydər Əliyev Mərkəzində sərgilənəcəkdir.
Bakıdan gəlmiş rəssamların 16 əsəri, eləcə də Ağdaşda
təşkil edilən yaradıcılıq emalatxanasında gənclər
tərəfindən çəkilən rəsmlər Ağdaş Dövlət Rəsm
Qalereyasının fonduna verilib.
Ümumiyyətlə, 2008-ci ildən başlayaraq Mədəniyyət və
Turizm Nazirliyinin təşkilatçılığı ilə ölkəmizin
regionlarında tanınmış rəssamlar tərəfindən gənclər
üçün ustad dərsləri təşkil edilir. Belə tədbirlər artıq
Gəncə, Qazax, Şəki və Lənkəranda keçirilib.
Sifai SƏFƏROVA |