Xəzər Universitetində "TEMPUS Məlumat Günü" keçirilmişdir.  Universitetin mətbuat xidmətindən AzərTAc-a bildirmişlər ki, tədbirdə Avropa İttifaqının (Aİ) Azərbaycandakı nümayəndəliyinin rəhbəri, səfir Roland Kobia, Almaniyanın ölkəmizdəki səfirliyinin, Təhsil Nazirliyinin və ayrı-ayrı universitetlərin əməkdaşları iştirak etmişlər.

Universitetin təsisçisi, Direktorlar və Qəyyumlar Şurasının sədri, professor Hamlet İsaxanlı tədbirin əhəmiyyətindən danışmışdır. Sonra Azərbaycan Milli TEMPUS ofisinin rəhbəri Pərviz Bağırov, Aİ-nin təhsil və mədəniyyət üzrə agentliyinin proqram əlaqələndiricisi Cek Kemp, Xəzər Universitetinin akademik işlər üzrə prorektoru, professor Məhəmməd Nuriyev və başqalarının təqdimatları dinlənilmişdir.

Tədbirdə TEMPUS proqramı vasitəsilə universitetlərarası beynəlxalq əməkdaşlıq, xaricdə təhsil imkanları və digər məsələlər müzakirə olunmuşdur.