Azərbaycanın gənc vokalçısı Eldar Tahirov 13-20 dekabr tarixlərində Fransanın Bordo və Jonzak şəhərlərində keçirilən  müsabiqədə iştirak edir.

Gənc vokalçı Bakıdakı F.Əmirov adına 6 nömrəli Onbirillik İncəsənət Məktəbinin vokal ixtisası üzrə IX sinif şagirdidir. O, ölkəmizi kiçik yaşlarından müxtəlif müsabiqə və festivallarda uğurla təmsil edir.

Onu da qeyd edək ki, Eldar Tahirov son illərdə  "Avaza-Dostluq Məkanı" adlı III Beynəlxalq festivalda diploma (Türkmənistan, 2010), "İncəsənət vadisi" XI Beynəlxalq müsabiqə- festivalda Qran-pri mükafatına (Macarıstan, 2011), vokalçıların VII Beynəlxalq müsabiqəsində I mükafata (Estoniya, 2012), "Açıq Avropa - Açıq Planet" adlı IX Beynəlxalq müsabiqədə I mükafata (Moskva, 2012) layiq görülmüşdür.   

S.KƏRİMOVA