Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

14 Dekabr 2012 - №49

 

Siyəzəndə konfrans keçirildi

 

 Azərbaycan Müəllimlər İnstitutunun Sumqayıt filialı noyabrın 24-də Siyəzən və Xızı rayonlarının müəllimləri ilə birgə "5-ci siniflərdə fənlərin tədrisində yeni təlim texnologiyalarından istifadənin aktual problemləri" mövzusunda konfrans keçirdi.

Konfransı AMİ-nin Sumqayıt filialının direktoru, kimya elmləri doktoru, professor Raya Nəcəfova açaraq qeyd etdi ki, ayrı-ayrı fənlərə aid kurikulumun tələblərinə uyğun dərsliklər yazılmış və proses indi də davam etdirilir. Bu dərsliklərdən ibtidai məktəb və 5-ci sinif şagirdləri istifadə edirlər. Yeni yazılmış dərsliklər barədə müəllimlərin fikirlərini öyrənmək, tənqidi iradlarını dinləmək konfransın əsas məqsədidir.

Konfransda beş istiqamət üzrə məruzə dinlənildi. Sumqayıt Dövlət Universitetinin "Azərbaycan dili və ədəbiyyatının tədrisi metodikası" kafedrasının pedaqogika üzrə fəlsəfə doktoru, dosent Yusif Aslanovun "Azərbaycan dili və ədəbiyyat dərslərində müasir təlim texnologiyalarından istifadə", Qubadlı rayon İşıqlı kənd orta məktəbinin müəllimi Araz Əliyevin "5-ci siniflərdə riyaziyyat fənninin tədrisinin aktual problemləri", biologiya üzrə fəlsəfə doktoru, dosent Rafiq Hüseynovun "Həyat bilgisi" fənninin tədrisində müasir təlim metodları", ictimai elmlər kafedrasının müdiri, tarix elmləri doktoru, professor Arif Məmmədovun "V siniflərdə Azərbaycan tarixi fənninin tədrisinin müasir problemləri", ADPU-nun baş müəllimi, pedaqoji elmlər üzrə fəlsəfə doktoru Aygün Məcidovanın "İbtidai təhsilin inkişaf tarixi və müasir məktəb" mövzularında etdikləri məruzələr konfrans iştirakçılarının böyük marağına səbəb oldu.

AMİ-nin ixtisasartırma və yenidənhazırlanma fakültəsinin dekanı Telman Haqverdiyev çıxış edərək Sumqayıt filialının apardığı bu işin əhəmiyyəti və yeni təlim texnologiyalarından istifadə etmək yollarını öyrənmək baxımından faydalı olduğunu müsbət qiymətləndirdi. 

Məlahət İSMAYILZADƏ

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov