Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

28 Dekabr 2012 - №51

 

Xoş gəlirsən, yeni il

 

Hər birimizin, bütövlükdə xalqımızın həyatında bir sıra hadisələr ilə əlamətdar olmuş 2012-ci il tarixə qovuşmaq ərəfəsindədir. Qarşıdan daha çox gözləntilərimiz olan 2013-cü il gəlir. Hər yeni ilin gəlişi insanlarda xoş ovqat yaradır, arzular çiçəklənir, ümidlər artır. Yeni ilin gəlişinə ən çox sevinən isə, təbii ki, uşaqlar olur. Axı yeni ilin rəmzi olan Şaxta baba onlara qonaq gəlir, hədiyyələr gətirir, ürəklərindəki arzu və diləklərini göyərdəcəyinə söz verir. Ona görə də uşaqlar, xüsusən də məktəblilər yeni ilin gəlişini səbirsizliklə gözləyir, oxuduqları təhsil ocaqlarında ona həsr olunmuş şənlik mərasimləri təşkil edirlər.

Belə mərasimlərdən biri dekabrın 25-də Bakıdakı 263 nömrəli tam orta məktəbdə keçirildi. Mərasimin təşkil olunduğu akt zalı bayramsayağı bəzədilmiş, səhnədə al-əlvan oyuncaqları bərq vuran yolka qurulmuşdu. Tədbiri məktəbin rus dili müəllimləri təşkil etdiyindən və bu dili öyrənən şagirdlər apardığından çıxışlar rus dilində idi. Mərasimdə qonaqlar - "Savalan" qəzetinin baş redaktoru Eldar Əliyev, Xətai Rayon Gənclər və İdman İdarəsinin rəisi Əfqan Rzayev və b. iştirak edirdilər.

Şagird-aparıcı mərasimi açıb iştirakçıları salamladıqdan və yeni il münasibəti ilə onları təbrik etdikdən sonra ağ geyimli qızlar rəqs etdilər. Sonra aşağı və orta siniflərin bir qrup şagirdi səhnəyə çıxıb yeni ilə, yolkaya həsr olunmuş şeirlər söylədilər. Onları al-əlvan geyimli qızlardan ibarət başqa bir dəstə əvəz etdi. Onlar yolkaya həsr olunmuş mahnı oxudular.

Səhnələşdirilmiş şəkildə təşkil olunmuş mərasimin aparıcısı Qar qız Yolkanın dibindən tapdığı məktubu oxudu. Məlum oldu ki, məktub Şaxta babadandır. O, uşaqları təbrik edir və tezliklə gələcəyini yazırdı. Sonra dovşan səhnəyə çıxıb uşaqları şənlənməyə dəvət etdi. Müxtəlif heyvanların geyimində 3 şagird ona qoşulub mahnı oxudu. Mahnını qızların rəqsi əvəz etdi. Beləcə qrup-qrup  səhnəyə çıxan şagirdlər hazırladıqları şeir, mahnı, rəqs nömrələrini məharətlə təqdim etdilər, yeni illə bağlı arzularını poeziyanın dili ilə mərasim iştirakçılarına çatdırdılar. Sonra yeni il arzuları şagirdlər tərəfindən müxtəlif dillərdə səsləndirildi.

Nəhayət, mərasimin ən maraqlı anı gəlib çatdı. "Dovşan" Şaxta babanı görüşə çağırdı. Şaxta baba gəlib mahnı ilə uşaqları salamladı, onların yeni ilini təbrik etdi. Şagirdlər Şaxta babanın ətrafına toplaşıb onunla birlikdə şənləndilər, mahnı oxuyub, rəqs etdilər, tapmacalar söylədilər.

Şənlik başa çatdıqdan sonra söz məktəbin direktoru Nəsimi Abbasova verildi. Direktor məktəbin müəllim və şagird kollektivini 31 dekabr - Dünya Azərbaycanlılarının Həmrəylik Günü və Yeni il münasibəti ilə təbrik etdi, 2012-ci ildə təhsil ocağında görülmüş işlərdən, əldə olunmuş uğurlardan danışdı. İl ərzində daha çox fərqlənmiş, tədbirin hazırlanmasında zəhmət payı olmuş müəllimlərə təşəkkür etdi, şagirdlərin şənlikdəki çıxışlarını yüksək qiymətləndirdi, onlara yeni ildə daha böyük uğurlar arzuladı.

Şənlik mərasimində iştirak edən Xətai Rayon Gənclər və İdman İdarəsinin rəisi Əfqan Rzayev də müəllim və şagirdlərə öz təbriklərini yetirdi, məktəb il ərzində keçirilən yarış və müsabiqələrdə fərqləndiyi üçün direktora idarənin fəxri fərmanını təqdim etdi. Sonra məktəbin direktoru Nəsimi Abbasov fərqlənən müəllimləri diplomla mükafatlandırdı. Tədbirin sonunda söz alan məktəbin müəllimi Ləman Bəşirova onlar üçün yaradılan şəraitə, təhsilə, təhsil  işçilərinə göstərilən diqqət və qayğıya görə ölkə başçısına minnətdarlıq etdi. 

Yusif ƏLİYEV

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov