Javascript DHTML Drop Down Menu Powered by dhtml-menu-builder.com

ARXİV

11 Yanvar 2013 - №01

 

4 nömrəli Bakı Peşə Liseyində vergi tədris otağı açıldı

 

4 nömrəli  Bakı Peşə Liseyində Azərbaycan Respublikası Vergilər  və Təhsil nazirliklərinin birgə təşkilatçılığı ilə  növbəti  vergi tədris otağının açılışı oldu.

Vergilər nazirinin müşaviri  Ələkbər Məmmədov tədbiri  açaraq  peşə liseylərində vergi tədris otaqlarının yaradılmasının əhəmiyyəti barədə danışdı.

Təhsil Nazirliyinin Texniki  peşə təhsili şöbəsinin müdiri Namiq Məmmədov   4 nömrəli  Bakı Peşə Liseyində də vergi tədris otağının yaradılmasını  yüksək qiymətləndirdi. Bildirildi ki, vaxt olacaq, liseydə oxuyanlar arasından bir qrup sahibkar yetişəcək. Bu vergi tədris otağında qazandıqları biliyə görə  həmin sahibkarlar problemlər qarşısında  qalmayacaq və öz fəaliyyətlərini   qanun  çərçivəsində qura biləcəklər. Şöbə müdiri bu  gün liseydə işləyən  hər bir müəllim və  tələbəyə vergi tədris otağının imkanlarından maksimum istifadə etməyi arzuladı. N.Məmmədov  digər peşə təhsili müəssisələrində  də  bu cür vergi tədris otaqlarının  yaradılmasının vacibliyini vurğuladı.

Tədbirdə Nizami Rayon İcra Hakimiyyətinin şöbə müdirləri  Əli  Axundov, Rəşad Hüseynov, Vergilər Nazirliyinin Vergi  ödəyicilərinə xidmət idarəsinin monitorinq şöbəsinin rəisi Azər Şirinov, Bakı Şəhər Vergi Departamentinin Vergi Ödəyicilərinə Xidmət İdarəsinin rəisi Elman Dadaşov və başqaları yaradılmış vergi tədris otağının fəaliyyəti ilə əlaqədar  öz fikirlərini bildirdilər. 

Sonda 4 nömrəli Bakı Peşə Liseyinin  direktoru Alik Allahverdiyev  və liseyin müəllimi Nailə  Babayeva çıxış edərək  hər iki nazirliyin rəhbərliyinə   yaradılmış şəraitə və diqqətə görə   pedaqoji kollektiv adından minnətdarlıq etdilər. 

Şakir CƏFƏROV

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov