Javascript DHTML Drop Down Menu Powered by dhtml-menu-builder.com

ARXİV

25 Yanvar 2013 - №03

 

Azərbaycan Diplomatik Akademiyası ilə Türkiyə universitetləri arasında əməkdaşlığın genişləndirilməsi məsələləri müzakirə olunub

 

Azərbaycanda səfərdə olan Türkiyə Ali Təhsil Şurasının sədri Gökhan Çetinsayanın başçılıq etdiyi nümayəndə heyəti yanvarın 18-də Azərbaycan Diplomatik Akademiyasında (ADA) olmuşdur.

Akademiyadan AzərTAc-a bildirmişlər ki, nümayəndə heyəti ADA-nın yeni təhsil kompleksi ilə tanış olmuş, ən son texnoloji standartlara uyğun qurulan sinif otaqlarını gəzmişdir.

Türkiyəli qonaqlar, həmçinin bu ali təhsil müəssisəsində 20 Yanvar faciəsi qurbanlarının anım mərasimində də iştirak etmişlər.

Sonra nümayəndə heyətinin üzvləri ilə akademiyanın professor-müəllim heyəti arasında görüş keçirilmişdir.

Görüşdə ADA ilə Türkiyə universitetləri arasında əməkdaşlığın genişləndirilməsi məsələlərinə dair fikir mübadiləsi aparılmışdır.

ADA-nın prorektoru Fariz İsmayılzadə qonaqlara məlumat vermişdir ki, Xarici İşlər Nazirliyinin nəzdində fəaliyyət göstərən akademiyada tanınmış yerli və xarici mütəxəssislər tərəfindən yüksək səviyyəli ingilis dilli təhsil verilir. Cəmi altıillik fəaliyyətinə baxmayaraq, ADA təkmilləşdirmə institutundan bakalavr və magistr pilləsi üzrə təhsil verən böyük ali təhsil müəssisəsinə çevrilmişdir. Akademiya hər il olduğu kimi, bu il də tədris üçün yeni ixtisaslar əlavə etmişdir. ADA ictimai siyasət və biznesin idarə edilməsi üzrə magistr təhsilinə başlamaq niyyətindədir.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov