|
Yanvarın sonlarında Bakı Slavyan Universitetinin
Məktəb-Lisey Kompleksinin şagirdləri Kiyev Slavistika
Universitetində keçirilmiş ənənəvi Beynəlxalq slavistika
olimpiadasında uğurla çıxış etmişlər.
Əsasən slavyan ölkələrinin məktəblilərinin qatıldıqları
bu maraqlı bilik yarışması gənclərin slavyan dilləri və
mədəniyyətləri, ümumdünya tarixi üzrə biliklərinin üzə
çıxarılması, onların jurnalistika istiqaməti üzrə
bacarıqlarının müəyyənləşdirilməsi (inşa və esse
müsabiqəsi) üzrə aparılır.
Beynəlxalq olimpiadada bu təhsil müəssisəsinin 3 XI
sinif şagirdi iştirak etmişdir. Onlardan Rəhilə
Abdullazadə iki istiqamət üzrə (rus dili və ədəbiyyat,
ümumdünya tarixi fənləri) birinci yerə layiq görülmüş,
digər iki şagird isə rus dili və ədəbiyyat üzrə
fərqlənmişlər. Natella Sadıqzadə birinci, Valeriya
Kotelnikova isə ikinci dərəcəli diplomlara layiq
görülmüşlər. Şagirdlər kompleksin tarix müəllimi, "Ən
yaxşı müəllim" müsabiqəsinin qalibi Səbinə
Şahmalıyevanın rəhbərliyi altında çıxış etmişlər.
Y.ƏLİYEV |
