Javascript DHTML Drop Down Menu Powered by dhtml-menu-builder.com

ARXİV

15 Fevral 2013 - №6

 

"Zərərli vərdişlərə yox deyirik!"

 

Bakıdakı 114 nömrəli tam orta məktəbdə  Bakı Şəhəri üzrə Təhsil İdarəsi  və Suraxanı  Rayon  İcra Hakimiyyətinin birgə təşkilatçılığı ilə  "Zərərli vərdişlərə yox deyirik!" mövzusunda  maarifləndirici tədbir keçirildi.

Dövlət himni səsləndirildikdən  sonra  tədbiri giriş sözü ilə  Bakı Şəhəri üzrə Təhsil İdarəsinin müdir müavini Məhəmməd Bayramov açaraq qonaqları  təqdim etdi. O,   belə  tədbirlərin    şagirdlərin tərbiyəsində böyük rolundan söhbət açdı.

Sonra mövzu  ilə bağlı təqdimat oldu. Təqdimatın  ilk slaydlarda   siqaret çəkməyin ziyanından bəhs olundu. Qeyd edildi ki,  insanların çoxunun bu  ziyanlı vərdişə aludə olması  ağır xəstəliklərin artmasına gətirib çıxarır. Bu gün bütün dünyada siqaretə  qarşı mübarizə sahəsində geniş təbliğat kompaniyaları başlanmışdır.

Sonrakı slaydlar vasitəsilə narkomaniyanın nə olması və onunla mübarizənin  vacibliyi diqqətə çatdırıldı.  Göstərildi ki,  narkomaniya narkotik vasitələrdən psixi və fiziki asılılıq yaradan xəstəlikdir.

XXI əsrin ən qlobal problemlərindən olan və cəmiyyət arasında "ağ ölüm" adlandırılan narkomaniya gəncliyin normal həyatını zəhərləyən zərərli vərdişlərdən biridir. Narkotik maddələrin qanunsuz hazırlanması, saxlanılması, daşınması və yayılması ağır cinayət hesab olunur. QİÇS xəstəliyinin daşıyıcılarının 90 faizini narkomanlar təşkil edir.

Təqdimatdan sonra  çıxışlar oldu.   Suraxanı Rayon İcra Hakimiyyətinin şöbə müdiri Barxudar Barxudarov,  polis polkovnik-leytenantı Hicran Şərifov, Narkotiklərlə  Mübarizə  üzrə Dövlət Komissiyasının baş referenti  Şahin İsmayılov  və başqaları  tədbiri yüksək qiymətləndirdilər,   şagirdlər arasında maarifləndirmə tədbirlərinin artırılmasının vacibliyini  vurğuladılar.

Tədbirdə iştirak edən Azərbaycan Təhsil Şurasının sədri, professor Əjdər Ağayev isə  belə tədbirlərin  təkcə  müəllimlərin iştirakı ilə  deyil, həm də şagirdlərin iştirakı ilə keçirilməsini daha məqsədəmüvafiq saydı. 

Tədbirdə şagirdlərin iştirakı ilə  zərərli vərdişlərə  aid  ədəbi-bədii kompozisiya və maraqlı tamaşalar  göstərildi.  

Şakir CƏFƏROV

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov