|
Astara Pedaqoji Kollecində Xocalı faciəsinin 21-ci
ildönümünə həsr olunan anım tədbirini kollecin
direktoru, fəlsəfə doktoru, əməkdar müəllim Əlihəsən
Həmzəyev açdı. O qeyd etdi ki, ölkənin bütün təhsil
müəssisələrində olduğu kimi, Astara Pedaqoji Kollecində
Xocalı soyqırımının 21-ci ildönümü ilə əlaqədar silsilə
tədbirlər keçirilir.
Bildirildi ki, tədbirlərin keçirilməsində əsas məqsəd
odur ki, tələbə-gənclər erməni vəhşilərinin Azərbaycan
torpaqlarında törətdikləri soyqırımı aktları ilə bağlı
əsl həqiqətləri heç vaxt unutmasınlar. Son dövrlərdə
beynəlxalq səviyyədə aparılan məqsədyönlü siyasət
nəticəsində əksər ölkələr artıq erməni faşizminin iç
üzünü tanımaqdadır. Kollecin müəllimi, YAP kollec
təşkilatının sədri Zamik Mahmudov "Xocalı faciəsini
unutmaq olmaz" mövzusunda məruzə etdi. Məruzəçi
soyqırımı haqqında məlumatları xronoloji ardıcıllıqla
iştirakçıların nəzərinə çatdırdı. Müəllimlərdən Azər
Fərəməzov, Billur Feyziyeva, tələbələrdən Abbas
İbrahimli, Elza Əfruzzadə, Ülkər Cabbarova çıxış edərək
gənclər adından bildirdilər ki, Xocalı soyqırımı və
erməni vandallarının törətdikləri vəhşiliklər və
qətliamlar bizim yaddaşımızdan heç vaxt silinməyəcək.
Vaxt gələcək biz öz qisasımızı alacağıq. Həmin gün
uzaqda deyil.
Azad ABDULLAYEV |
