|
 Bakıdakı
170 nömrəli tam orta məktəbdə "Mülki müdafiə və əhalinin
fəlakət riskinin qarşısının alınmasına hazırlanması"
mövzusunda tədbir keçirilib.
Tədbirə başlamazdan əvvəl məktəbin foyesində mülki
müdafiəyə aid təşkil olunmuş sərgiyə və müxtəlif
fotostendlərə baxılıb. Sonra qonaqlar mülki müdafiədən
II "a" və II "b" siniflərində təşkil olunmuş "açıq
dərs"lərdə iştirak ediblər.
Məktəbin direktoru Nuranə Mirzəyeva çıxış edərək
şagirdlərin təlim-tərbiyəsində tədbirin tərbiyəvi
əhəmiyyətindən söz açıb və təhsil ocağında mülki müdafiə
ilə əlaqədar görülən işləri qeyd edib.
Sabunçu Rayon Mülki Müdafiə İdarəsinin rəisi,
polkovnik-leytenant Ə.Hacıyevin "Mülki müdafiə və
əhalinin fəlakət riskinin qarşısının alınmasına
hazırlanması" mövzusunda çıxışı şagirdləri daha çox
bilgiləndirib. İdarənin əməkdaşı, mayor İlqar Səfərov
torpaqlarımızın 20 faizinin işğal altında olduğu bir
vaxtda şagirdlərdə vətənpərvərlik hisslərinin
yüksəldilməsində mühüm rol oynayan bu cür tədbirlərin
tez-tez keçirilməsinin vacibliyini vurğulayıb.
Bakı Şəhəri üzrə Təhsil İdarəsinin nümayəndəsi Fərman
Abdullayev, məktəbin mülki müdafiə üzrə qərargah
rəisi Qəzənfər Kərimov, fövqəladə hallar komissiyasının
sədri Kamilan Qocayev, təlim-tərbiyə işləri üzrə
direktor müavini Ofelya Mehdiyeva və başqaları çıxış
edərək tədbirdə yaxından iştirak etdiklərinə görə
Sabunçu Rayon Mülki Müdafiə İdarəsinin rəhbərliyinə öz
minnətdarlıqlarını bildiriblər.
Sonda müəllim və şagird kollektivi qonaqlarla birlikdə
xatirə şəkli çəkdirib.
Şakir CƏFƏROV |
