Türk Hava Qurumu Universitetinin Senatı Azərbaycan
Respublikasının Prezidenti İlham Əliyevə universitetin
fəxri doktoru adının verilməsi haqqında qərar qəbul
etmişdir.
Universitetin məlumatında bildirilir ki, Prezident İlham
Əliyevin həyata keçirdiyi siyasət türk dövlətlərinin
birliyinin möhkəmlənməsinə xidmət edir, türkdilli
xalqlar arasında əlaqələrin inkişafına dəyərli töhfələr
verir.
Türk Hava Qurumu Universitetinin fəxri doktoru diplomu
martın 19-da Azərbaycan Respublikası Prezidenti
Administrasiyasına təqdim edilmişdir.
Türk Hava Qurumu Universiteti aviasiya və kosmos
sahəsində peşəkar texniki kadrların hazırlanması üzrə
ixtisaslaşmışdır. Universitet 2011-ci ildə yaradılmışdır.
Dünyanın ən yaxşı pilotlarını, aviasiya mühəndislərini
yetişdirən Türk Hava Qurumu Universiteti Türkiyənin
aviasiya və kosmos elmləri sahəsində ilk və yeganə ali
təhsil müəssisəsidir.
AzərTAc |