|
 Martın
19-da Bakı Dövlət Universitetində Tələbə Həmkarlar
İttifaqı Komitəsi tərəfindən ənənəvi Novruz şənliyi
keçirilib. Tədbiri giriş sözü ilə açan rektor, akademik
Abel Məhərrəmov bayram təbriklərini çatdırıb. Bu bayramı
birlik, həmrəylik, qardaşlıq rəmzi kimi xarakterizə edən
rektor onun tarixi əhəmiyyətindən bəhs edib.
Sonra 17 fakültənin hər birinin böyük zövqlə ərsəyə
gətirdiyi Novruz səhnəsinə baxış keçirilib. Rektoru
qarşılayan fakültə dekanları və tələbələr hazırladıqları
səhnələr haqqında məlumat veriblər. Onların hər birinin
işi ilə ayrı-ayrılıqda tanış olan rektor bayramlarını
təbrik edib, xoş günlər arzulayıb.
Münsiflər heyətinin seçimilə qaliblər müəyyənləşib.
Novruz adət-ənənələrinin, simvollarının təqdim olunması
ilə bağlı fakültələr arasında keçirilən bu müsabiqədə
jurnalistika fakültəsi birincilik qazanıb. İkinci yeri
iki fakültə - ekologiya və torpaqşünaslıq, hüquq
fakültələri, üçüncü yeri isə beynəlxalq münasibətlər və
iqtisadiyyat, biologiya fakültələri tutublar.
Digər fakültələrin hamısı dördüncü yerin sahibləri
olublar. Fakültələrin hər birinə pul mükafatı təqdim
edilib.
Qeyd edək ki, əvvəlki Novruz tədbirlərində uğurla
iştirak edən jurnalistika fakültəsinin bu, dördüncü
birinciliyidir. Tələbələrin sözlərinə görə, bu işdə
fakültə dekanı, professor Şamil Vəliyevin, dekan müavini
Əli Hacıyevin və tələbə həmkarlar təşkilatının xüsusi
xidməti var.
Tədbir konsert proqramı ilə başa çatıb.
BDU-nun Mətbuat və informasiya şöbəsi |
