|
Bakıdakı 8 nömrəli tam orta məktəbdə əzəli və bəşəri
bayram sayılan "Novruz poeziya çələngində" adlı maraqlı
tədbir keçirilib.
Tədbir zamanı Azərbaycan xalqının uzaq qədimlərdən bu
günədək sevə-sevə qeyd etdiyi bayramlardan birinin
Novruz bayramı olmasından, onun tarixindən, bu bayramda
təbiətin və ruhumuzun təzələnməsindən, sağlam
düşüncələrdən, yeni əhvali-ruhiyyənin bəxş olunmasından
bəhs edilmişdir.
Sonra istedadlı şagirdlərin baharın gözəlliklərini əks
etdirən ekspozisiyalarına, divar qəzetlərinə baxış
keçirilmiş, çoxlu sayda yazla əlaqədar rəngarəng
mahnılar ifa olunmuş, şeirlər səsləndirilmiş,
səhnəciklər göstərilmiş və milli geyimlərdə rəqslər
nümayiş olunmuşdur.
Sonda Bakı Şəhəri üzrə Təhsil İdarəsinin metodisti
Şəhla Kərimova, məktəbin direktoru Aytən Baxşıyeva,
müavinlər Sevinc Əliyeva və Səfurə İbrahimli belə
tədbirlərin keçirilməsində şagirdlərin öz vətəninə,
onun bayramlarına, xalqına, adət-ənənələrinə olan dərin
hörmət və sevgi hisslərinin böyük rolundan, əməyə
məhəbbətindən və bu bayramın insanlara verdiyi sevinc,
xoşbəxtlik və səadətdən bəhs etmişlər.
Ş.CƏFƏROV |
