Javascript DHTML Drop Down Menu Powered by dhtml-menu-builder.com

ARXİV

3 May 2013 - №16

 

Gənc tədqiqatçıların I Beynəlxalq elmi konfransı

 

 25-27 aprel 2013-cü il tarixlərində Qafqaz Universitetində ümummilli lider Heydər Əliyevin 90 illik yubileyinə həsr olunmuş gənc tədqiqatçıların I Beynəlxalq elmi konfransı keçirilmişdir.

Azərbaycan Respublikası Təhsil Nazirliyinin, Türkiyənin Atatürk Universitetinin, Hacəttəpə Universitetinin, Mərmərə Universitetinin, Ondoqquz Mayıs Universitetinin birgə əməkdaşlığı və Qafqaz Universitetinin təşkilatçılığı ilə keçirilən konfransa 13 ölkədən, o cümlədən Azərbaycan, Türkiyə, ABŞ, Rusiya, Hindistan,  Avstriya, Ukrayna, Misir, İran, Türkmənistan, Özbəkistan, Qırğızıstan və Şimali Kipr Türk Cümhuriyyətindən elmin müxtəlif sahələri üzrə 900-dən çox tezis təqdim edilmiş, onlardan 650-si qəbul edilmişdir. İngilis, rus, Azərbaycan və türk dillərində təqdim olunan tezislər üzərində geniş müzakirələr aparılmış, müxtəlif sahələrdəki innovasiyalarla əlaqəli konstruktiv təkliflər verilmişdir. Bununla da səmərəli elmi müzakirələr aparmaq üçün şərait təmin edilmiş, dünyanın müxtəlif universitet, akademiya və institutlarında fəaliyyət göstərən gənc tədqiqatçılar və elm adamları bir araya gələrək bu sahədə əldə olunan təcrübələri qarşılıqlı şəkildə paylaşmaq imkanı əldə etmişlər. Konfransda, habelə gənc tədqiqatçıların qarşılaşdıqları problemlər təhlil olunmuş və ortaq problemlərə yönəlik təkliflər irəli sürülmüşdür.  Çoxsahəli konfransda 3 bölmədə 14 istiqamət üzrə təqdimatlar və müzakirələr olmuşdur.

Konfransda vurğulanmışdır ki, hər bir ölkənin inkişaf səviyyəsi və ictimai həyatının müxtəlifliliyi həmin ölkədəki gənclərin yaradıcılıq fəaliyyətləri ilə birbaşa əlaqəlidir. Elm sahəsindəki inkişaf ölkənin müxtəlif sahələrdə inkişafına  şərait yaradır. Elmin müxtəlif sahələrində yeniliklərin izlənilməsi, sahələr arasında əlaqələrin qurulması və aktual araşdırmaların aparılması isə gənclərin aktiv fəaliyyəti ilə bağlıdır. Bu çərçivədə gənc tədqiqatçıların elmi araşdırmalarının nəticələri olaraq təqdim etdikləri tezislərin ölkədə elmin inkişafına da müsbət təsir göstərəcəyinə inam ifadə olunmuşdur.

Konfransın sonunda yekun bəyannamə qəbul edilmişdir. Konfrans respublikamızda elmi potensialın güclənməsinə, fundamental və tətbiqi elmi tədqiqatların prioritet istiqamətlərinin inkişaf etdirilməsi məqsədi ilə tədqiqatçıların həvəsləndirilməsinə, onların əldə etdikləri elmi nəticələrin qiymətləndirilməsinə və yayılmasına mühüm töhfə vermişdir.  

Y.ƏLİYEV

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov