|
Bakıdakı M.Müşfiq adına 18 nömrəli tam orta məktəbdə
korrupsiyaya qarşı mübarizəyə həsr olunmuş
maarifləndirici dərs keçirilmişdir."Korrupsiya anlayışı
və onun neqativ nəticələri" mövzusunda dərs diskussiya
şəraitində keçmişdir. 30 nəfər şagirdin iştirakı ilə
dərsi Korrupsiyaya qarşı Mübarizə Fondunun icraçı
direktoru Vasif Mövsümov aparmışdır. V.Mövsümov
korrupsiya, onun neqativ nəticələri, cəmiyyət üçün
təhlükəsi barədə şagirdləri ətraflı
məlumatlandırmışdır. Bildirmişdir ki, Korrupsiyaya qarşı
Mübarizə Fondu bu prosesin ciddiliyini nəzərə alaraq
orta məktəb şagirdləri arasında bu hal ilə mübarizə
aparmaq üçün xüsusi dərslər keçir. Fond artıq belə
dərslərin keçirilməsi təcrübəsinə malikdir. Layihədə
məqsəd şagirdlərə bu istiqamətdə müəyyən biliklər
verməklə yanaşı, korrupsiyaya qarşı mənfi münasibət
formalaşdırmaqdan ibarətdir.
Dərsdə korrupsiyanın səbəbləri, ona qarşı mübarizə
üsulları barədə şagirdlər də maraqlı fikirlərini
səsləndirmişlər. Şagirdlər kimliyindən asılı olmayaraq
cinayət törədən şəxsin cəzalandırılması fikrini
vurğulamışlar.
Sonda növbəti dərsin "Qanunlar" mövzusunda olacağı
diqqətə çatdırılmışdır.
Sifai SƏFƏROVA |
