|
 6-15
may tarixlərində Yunanıstanda şahmat üzrə məktəblilər
arasında dünya çempionatı keçirilmişdir. Çempionatda
dünyanın 42 ölkəsindən 550 oğlan və qız şahmatçı iştirak
etmişdir. Yarışa İsveçrə sistemi ilə oğlanlar və qızlar
arasında ayrılıqda olmaqla 7 yaşadək, 8-10, 12-13, 14-15
və 16-17 yaş qrupları üzrə start verilmişdir.
"Təhsil" Respublika İdman Mərkəzinin direktor müavini,
komandanın rəhbəri İbrahim Məmmədovdan aldığımız
məlumatda bildirilir ki, hər il olduğu kimi, builki
yarış da uğurlu keçmiş və məktəblilərimiz ümumilikdə 4
medal qazanmışlar.
Bakı Avropa Liseyinin 9-cu sinif şagirdi Miradil
Zeynallı 9 mümkün xaldan 7,5 xal toplayaraq 14-15 yaş
qrupunda qızıl, 245 nömrəli tam orta məktəbin 3-cü
sinif şagirdi Abdulla Qədimbəyli və Quba rayon 3 nömrəli
tam orta məktəbin 11-ci sinif şagirdi Bikəxanım Zamanova
müvafiq olaraq 9 mümkün xaldan 7,5 və 6 xal toplayaraq
10-11 və 15-17 yaş qruplarında gümüş, Xırdalan şəhər 1
nömrəli tam orta məktəbin 1-ci sinif şagirdi Ümüd
Aslanov isə 9 mümkün xaldan 7 xal toplayaraq 7 yaşadək
olan qrupda bürünc medal qazanmışlar.
Digər şahmatçılarımız Quba rayon təmsilçisi Nihad
Şahmuradov, Bakı məktəbliləri Əhməd Əhmədzadə, Məhəmməd
Muradlı 9 mümkün xaldan 6,5, Nərmin Məmmədova, İsmayıl
Şahəliyev 6, Elxan Bayramov, Aytən Əmrayeva, Aytac
Heydərli və Məğrurə İmanlı 5,5, Fatimə Əhmədova və
Nərmin Söyünlü 5, Xatın Bağırova isə 4, Sumqayıt
məktəblilərindən Mələk İsmayıl, Fərid Aslanov və Rəvan
Əliyev hərəyə 6,5, Zaur Bayramov isə 6, Gəncə məktəblisi
Jalə Bəylərova 5, Beyləqan məktəblisi Lalə Firudinli isə
3,5 xal toplamışlar. |
