Gənclər üçün Təhsil Mərkəzi regionlarda gənclərin
iştirakı ilə beyin mərkəzlərinin yaradılmasına
başlamışdır. Azərbaycan Respublikasının Prezidenti
yanında Gənclər Fondunun dəstəyi ilə reallaşdırılan
layihənin əsas məqsədi gənclərin təhlil etmək bacarığını
inkişaf etdirmək, onların təşəbbüskarlığının
artırılmasına kömək etməkdir.
Pilot olaraq Gəncə, Mingəçevir, Ağcabədi və Hacıqabulda
nəzərdə tutulan beyin mərkəzlərinin qurulması məqsədi
ilə həmin regionlardan olan gənclər üçün təlim
proqramlarına başlanılmışdır. Layihə çərçivəsində eyni
zamanda praktik fəaliyyətlər vasitəsilə gənclərin bilik
və bacarıqlarının artırılmasına şərait yaradılacaq.
Yaranacaq beyin mərkəzləri region gənclərinin yeni
təkliflərlə çıxış etmələrinə, onları reallaşdırmalarına
kömək edəcək. Qeyd edək ki, gələcəkdə bu mərkəzlər
vasitəsilə gənclərimizin xarici ölkələrdəki beyin
mərkəzlərinə tanışlıq səfərlərinin həyata keçirilməsi də
nəzərdə tutulmuşdur.
Samirə KƏRİMOVA |